يجنن الكريم للشعر الكيرلي والويفي يحدد الكيرليات وترطب من قلب ارطب فيه شعري وهو مبلول ريحتها حلوة وخالية من كل المواد الي تضر الشعر تناسب المسامية العالية بس علبتها تقهر مو عملية ابد قوامها زبدة ثقيل علبال ما تطلع من العلبة مشوار واذا قرب يخلص ذي حكاية ثانية بس مفعول المنتج يشفع ماندمت ابد اني جربتها 👍🏼 لايك عزيزتي لان المستوى المادي يدوبك🤏🏼

اوك سو هو ليف ان بنات يرطب بشكل مو طبيعي نقطه بس ترطب شعري ليوم ثاني بدون مبالغة وانتو تعرفو انو اصلن الشعر الكيرلي طبيعته جاف يعني كنت اغرق يدي ليف ان وبس شوي ويجف بس ذا مو طبيعي كيف ويخلي الشعر في لمعه والشعر يبين صحي أنصح فيه وبقوه 🤍 بنات تكفون لايك 😭😭

حلوه ريحته ومناسب للكيرلي والستريت انا احطه قبل الاستشوار وشعري مبلل وينفع بعد الاستشوار مدري اذا حركتي صح ولا لا بس يطلع حلو بالاستشوار ومو ناشف

حطيت منه نقطة بس على قُصتي(الغرة او القذلة) رطبها ورتبها بشكل مو طبيعي مرررة حلو للشعر الكيرلي لاتتردو تطلبوه انا شعري نوعه يعتبر بين الجاف والعادي وناسبني وترا يعتبر كريم ينحط بعد الشاور ماينغسل ويرطب اكثر من الليڤ ان للي الليڤ ان مايرطب لهم ذا بيعجبكم واهم شي مافيه مواد تضر الشعر ، لايك لو افادكم تعليقي♥️♥️

تحمست له من الفديوهات حقت الشعر الكيرلي الحلو فيه ان قوامه خفيف ولا تحسي الشعر مدهن رائحته حلوه ولا هي قويه صرت استخدمه بدل الجل وكمان بعد الشور يسهل تمشيط الشعر حجمه كبير وكيفي فتره طويله المنتج الوحيد الي اقوله ليتني عرفتك من زماااان 😂 اذا افدتك لايك الله يسعدك

مممتاز جدا على حسب ماسمعت عنه لكن للامانه للان ماجربته بس المهم تشرون شي كويس اقرو كثير عنه وعن الوصف تبعه والمهم انه من مكان وصيدلية مضمونه مثل ايهيرب

مرررره جميل للكيرلي مستحيل استغني عنه ابداً اهم شي ما ينحط عند الجذور ولازم ما يجلس على الشعر اكثر من يوم عشان ما تتكون قشره انا استخدمة قبل المناسبه واغسله اذا خلصت وارطبه بكريم خفيف عشان يمتصه الشعر ويترطب .

يرطب الشعر من أجل فك تشابك أسهل وينعم الشعر في وقت قصير. مصنوع من زبدة الشيا النقية لاستبدال الرطوبة الحيوية ، ويكشف عن شعر أقوى وأكثر صحة بلمعان طبيعي. مثالي من أجل: شعر مسترخٍ ، متماسك ، ملون ومتماسك ؛ نسيج متوسط إلى سميك " . فوائد المنتج: يرطب الشعر ويجدد حيويته الأعداد الأولية ويحمي خيوط الإجهاد مركب لتقليل وقت التجفيف " . طريقة الاستخدام: ضعي كمية كبيرة على الشعر المبلل بداية من الجذور واعمل باتجاه الأطراف. مشط من خلال التوزيع المتساوي. لا تشطف. تسريح كما هو معتاد. نصائح التصميم: 1. استخدم الواقي الحراري من كانتو لمنع الضرر الناتج عن أدوات التصفيف الساخنة. 2. بعد التصفيف بالحرارة ، ضعي بخاخ زيت كانتو اللامع لتوفير حماية إضافية من الأطراف المتقصفة والكسر. "

يا بنات لازم تاخذوه وانتو مغمضين يجنن 😭♥️- خصوصًا اللي مسامية شعرهم منخفضة - أفضل من منتجات غارنيه وكل شي محلي بالسعودية (جربت اشياء كثيره) لازم تستخدميه وشعرك رطب عشان يترطب الشعر مضبوط ويخفف النفشه وتثبت الكيرلز بشكل طبيعي لما تنشف،، حتى لو ما فحالك تاخذي شور لليوم الثاني تقدري تستخدمي بخاخ المويا على شعرك وترجعي تحطي منو شويا على الشعر ويرجع كأنو جديد ✨✨ خزنيه بالمقلوب عشان الكريم شويا قوامه ثقيل. لا تبخلو عليا بالاعجاب، أرجوكم محتاجة المكافأة😔🙏🏽♥️ أخيرًا ملاحظة مهمه: قبل أن تقرأ المراجعات لابد أن تعي بأن نتائج المنتجات تختلف من شخص لآخر حتى بين الأخوة ! لأسباب كثيرة منها الوراثه ونمط الحياة والمنتجات الآخرى التي يتم استخدامها بالتزامن واحتياج الجسد/ الشعر/ البشرة إلى آخره ، هذا يعني بأن الأمر عبارة عن رحلة بحث لأفضل المنتجات التي تتلاءم معك. لباقي التقيمات يمكنك الذهاب لصفحتي من خلال الضغط على اسمي يوم سعيد لك ✨

حلووو وفيه الرائحة زبدة الشيا قويه وواضحه و الاستخدام تحطونه بعد الشاور تحطينه زي الجل الجودة كويس بس مابطلبه ثاني يخشن الشعر شوي ويلبده مدري كيف يمدحونه صراحه اذا عجبكم تقييم لايك حبوبات