١- هذا خل علاجي وليس خل مركز في فرق كبير بينهم الفكرة حلوة نوعا ما ومفيده وتحتاج وقت خصوصا معروف عن الكوريين انهم جدا شاطرين بالكيمياء والمركبات ( اللي يفهم كيمياء بيفهم قصدي )
لذلك اغلب المنتجات اللي تخص الشعر والبشرة وخصوصا البشرة ناجحه تماما معاهم
٢- نجي عشان نفهم الفكرة ومنها تفهمين المنتج وتعرفين يناسبك او لا لأنك أنتِ أعلم وحده بنفسك بعد الله سبحانه
- المعروف ان أجسامنا احنا يالبشر حامضيه ولكن كل جزء من جسمنا تختلف حامضيته عن الآخر مثلا المعده تختلف عن فروة الرأس وعن الكبد وهكذا … برفق لكم صورة اتمنى تشوفونها وراح تفهمون كلامي وقصدي اكثر
- (اللي شاف الصورة ) درجة الحموضه تبدأ من 1 وكل مازاد الرقم قلت الحموضه هذا باختصار
- طبعاً في الوصف عند المنتج حاطين ان درجة الحموضه 5.5 وهي درجة مثاليه للشعر تختلف تماماً عن درجة حامضية ( ph ) حقت خل التفاح العضوي المركز اللي اعتقد انها 3 كذا قرأت عنها و ابحثو للتأكيد لان اشتريت خل تفاح عضوي مركز من نفس الموقع وبحثت قبلها
- و طبعا" وبما انه للشعر و درجة الحموضه ليست اقل من 5 فـ ليس هناك اي ضرر للشعر يعني مايحتاج حتى يتخفف بالماء لكن اللي تبي تخفف بكيفها
- يعني هالخل العلاجي درجة حموضته أقل حتى من القهوة السوداء هل القهوة تضر الشعر طيب احنا اساساً نستخدمها كـ سكراب للجسم او فروة الرأس طبعا ً للي يناسبها هل ضرتكم ؟؟
وهم اساساً حاطين في الوصف المكونات العامه اللي هي :
خل توت بنسبة 5% ( وهو الاساس )
وَ توتارل اللي فائدته مضاد للبكتريا ومضادة للاكسدة.
وَ مستخلص اعشاب " منها نعناع فلفلي واكليل الجبل وغيرهم .. "
وبرضو التفصيليه اطلعو عليها
٣- ادري دوختكم بالنسبه لي بما إنه علاجي يحتاج وقت عشان يبان تأثيره أقل شيء شهرين
سمعت كلام بروفيسور ودكتورة يقولون اي شي للبشره او الشعر اقل شي انتظري شهرين او ثلاث شهور
نجي للرائحة يوم شميته ذكرتني الصراحة بالفيفادول حلوه لابأس بها
لطيف على البشره مرة وخفيف و العبوة مصممه بطريقة تقدرين تنقطين على الشعر واذا ضغطتي عليها بقوة ينسكب اكثر يعني سهله بالتعامل فهذا شي رائع بالنسبه لي وتقدرين تحطين لك في بخاخ صغير وتبخين وتدلكين ثم تشطفين شعرك بالماء ومهم جدا تعرفين كيف تحفظينه عندك حاطين لايتعرض لا للحرارة ولا برودة ولا الشمس اما النتائج يبي لي من ٢-٣ شهور عشان اعلمكم لو قلت الان ظلمتكم وظلمت المنتج
قال ﷺ " خير الناس انفعهم للناس "
.اتمنى اني فعلا اني نفعتكم بكل الكلام اللي كتبته
